ئەمڕۆ یەكشەممە وەزیری پەروەردە لە كۆنگرەیەكی رۆژنامەوانی رایگەیاند كە سبەینێ دووشەممە خوێندن بە خۆپارێزییەوە دەكرێتەوە.
ئالان حەمەسەعید، وەزیری پەروەردەی حكومەتی هەرێمی كورستان ئەمڕۆ یەكشەممە لە كۆنگرەیەكی رۆژنامەوانیدا لەبارەی دۆخی كۆرۆنا و كاریگەری لەسەر ناوەندەكانی خوێندن رایگەیاند، “كێشە و گرفتی ڤایرۆسی كۆرۆنا ماوە و بڕیارمانداوە سبەی دوشەممە بگەڕێینەوە بۆ ناوەندەكانی خوێندن گەڕانەوەشمان بۆ ناوەندەكانی خوێندن لەسەر بنەمای خۆپارێزی دەبێت”.
دەربارەی وەرگرتنی ڤاكسین لەلایەن مامۆستایانەوە، وەزیری پەروەردە وتی، “پڕۆسەكە باشە و بەردەوامە، نزیكەی 100 هەزار مامۆستا ڤاكسینیان لە خۆیان داوە”.
