ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

لەسلێمانی پیاوێك هاوسەرەكەی خۆی‌و لەهەولێر كوڕێك دایكی خۆی دەكوژێت

ئەمڕۆ چوارشەممە لەشاری سلێمانی‌و لەگەڕەكی كوردسات، پیاوێك هاوسەرەكەی خۆی دەكوژێت‌و دواتر خۆشی دەكوژێت، لەشاری هەولێریش كوڕێك دایكە تەمەن 70 ساڵەكەی خۆی دەكوژێت.

سەركەوت ئەحمەد وتەبێژی پۆلیسی سلێمانی رایگەیاند: لەبەردەم ماڵەكەی خۆیاندا لە گەڕەكی كوردسات پیاوێك هاوسەرەكەی خۆی كوشتووە‌و دواتریش خۆی كوشتووە.

سەركەوت ئەحمەد وتیشی: بەپێی لێكۆڵینەوە سەرەتاییەكان پێدەچێت كێشەكە كۆمەڵایەتی بووبێت.

هەر ئەمڕۆ بەڕێوەبەرایەتی پۆلیسی هەولێر ڕاگەیاندراوێكیان بڵاوكردەوە كە تیایدا هاتووە: دوای ئەوەی هێزەكانی بەڕێوەبەرایەتی پۆلیسی پارێزگای هەولێر لە حاڵەتێكی كوشتن لە بەحركە ئاگادار كرانەوە، دەستبەجێ‌ گەیشتنە شوێنی ڕووداوەكە و دەركەوت كە ژنێكی بەساڵاچوو لەلایەن كوڕەكەیەوە بە چەقۆ كوژراوە، كە كوڕەكەی بەپێی ڕاپۆرتی پزیشكی، نەخۆشیی دەروونی هەیە”.

پۆلیسی هەولێر دەشڵێت: “ژنەكە تەمەنی (70) ساڵە بەناوی (هەمین عەبدوڵا محەمەد ئەمین) و كوڕەكەشی ناوی (ھ. ز. خ) تەمەنی (36) ساڵە، لە كاتی ئێستادا لەلایەن هێزەكانمانەوە دەستگیر كراوە، ئێستاش پەڕاوی لێكۆلینەوەی بۆ كراوەتەوە تاكو رێرەوی یاسایی بەرامبەر تۆمەتباری ناوبراو بگیرێتە بەر.

هاوشێوە

ڤیدیۆ