زۆڕێك لەهاوڵاتیان بەهۆی پشت ئێشەوە واز لەوەرزشكردن دەهێنن، بەبیانوی ئەوەی جوڵە‌و وەرزش پشت ئێشە زیاد دەكات، بەڵام ئەم لێكدانەوەیە هەڵەیە، دیاریكردن‌و جۆری پشت ئێشە و هۆكارەكانی زۆر گرنگە، لەوانەیە هۆكار زۆر بێت بۆ پشت ئێشە، لەبەرئەوە ناكرێت خەڵك واز لەوەرزش بێنێت.

بەهۆی نەبونی هۆشیاری تەندروستییەوە، رەنگە خەڵكانێكی زۆر نەزانن كە هەندێ‌ ماسولكەی میحوەری لەپشتدا هەن پێویستی بەچەند جوڵەیەك هەیە، وەك خۆگەرم كردنەوەیەك و خۆسازدانێك بەرلەوەی كاڕێك ئەنجام بدات كە پێویست بەپشت چەمانەوە بكات.

(7%) ئەو كەسانەی توشی پشت ئێشە دەبن، لەتەمەنێكی دیاریكراودا ئازارەكانیان میكانیكییە و بە چارەسەری سروشتی چارەسەر دەكرێت.

پشت ئێشە چوار جۆری هەیە، پلە یەك‌و پلە دوو بەوەرزشی تایبەت‌و چارەسەری سروشتی چاك دەبێتەوە، بەڵام پلە سێ‌‌و چوار حاڵەتەكانیان نەشتەرگەرییە‌و پێویستی بەچارەسەر لای پزیشك هەیە.

ترازانی دیسك لە شوێنی خۆی واتە (ئینزیلاق)، یەكێكە لەو كێشانەی لەناو كۆمەڵگەی ئێمەدا زۆرە، لەگەڵ ئینزیلاقدا كركڕاگەكان كاردەكەنە سەر دەمارەكان و دیسك‌و بربڕەكانی پشت دادەخوڕێت، لەئەنجامشدا لەوانەیە ببێتە هۆی لاواز بون‌و سستی یەكێك لەئەندامەكانی لەش.

زۆربەی حاڵەتەكانی ئینزیلاق بەهۆی هەڵگرتنی شتی قورسەوە دروست دەبێت.

وەرزشكردنی بەردەوام زۆر گرنگە بۆ ئەوەی ماسولكەكان ئامادەبن، لەكاتی هەڵگرتنی شتی قورسدا، پێویستە پشتێن ببەسترێت‌و ئاگاداری كێشمان بین‌و نەهێڵین قەڵە‌و بین، چونكە گەورەبونی قەبارەی سك كاریگەری لەسەر پشت ئەبێت.
گوڵزار فەرەج