لەگەڕەكی زەرگەتەی سلێمانی، پیاوێك ژنەكەی دایە بەر چەقۆ، بەوتەی كەسوكاری ژنەكە، پیاوەكە 10 بۆ 15 چەقۆی لێداوە، وتەبێژی بەڕێوەبەرایەتی بەرەنگاربونەوەی توندووتیژی دژی ئافرەتان و ژنانی سلێمانیش رایگەیاند كە تەندروستیی ژنەكە باشە.
رائید راز فریا، وتەبێژی بەڕێوەبەرایەتی بەرەنگاربونەوەی توندووتیژی دژی ئافرەتان و ژنانی سلێمانی لەبارەی روداوەكەوە وتی: “ئەو ژن و پیاوە پێشتریش كێشەیان هەبووە و ژنەكە داوای جیابوونەوەی كردووە، بەڵام لە ئێستادا تەندروستی ژنەكە باشە”.
وتیشی: “رووداوەكە سەعات دوی دوێنێ شەو روویداوە و ژنەكە لە ماڵی دایكی بووە و هاوسەركەی رۆشتوە لەوێ بە چەقۆ لێیداوەو لە ئێستا تەندروستی ژنەكە باشە”.
