دایك و باوكێكی هیندی سكاڵایان لەسەر كوڕەكەیان تۆماركردوە بەهۆی ئەوەی ناهێڵێت منداڵی ببێت و كورەكەشیان ماوەی شەش ساڵە هاوسەرگیری كردوە.
سانجیڤ رانجان و سادهانا پراسەد، دو هاوسەری هیندی بەهۆی ئەوەی كوڕەكەیان نەیهێشتوە منداڵی ببێت و ببن بە داپیرە و باپیرە سكاڵای یاساییان لەسەر تۆماركرد.
داواشیان كردوە، ئەگەر ساڵی داهاتوو نەهێڵێت منداڵی ببێت پێویستە (530) هەزار پاوەند كە دەكاتە (647) هەزار و (984) دۆلار وەكو قەرەبو بداتە باوك و دایكی.
دایك و باوكەكە رایانگەیاند: گرنگ نییە منداڵەكە كچ بێت یان كوڕ، ئێمە تەنیا نەوەیەكمان دەوێت و كوڕەكەمان پلانی نییە منداڵی هەبێت.
باوكەكە دەڵێت: هەمو سامانەكەم بۆ خوێندنی كوڕەكەم لە ئەمەریكا خەرجكرد لە كاتێكدا كە كێشەی داراییم هەبوو.
بڕیار وایە لە (17)ی ئەم مانگە یەكەمین دانیشتنی دادگا لەسەر ئەو كەیسە بەڕێوەبچێت.
