ئەمڕۆ لە پەرلەمانی سوید، بودجەی نیوە ساڵی دووەم دەخرێتە دەنگدان. حکومەت بە پشتگیری پارتی سێنتەر، بودجەی ئامادە کردووە و لایەنی ئۆپۆزیسیۆنی ڕاستڕەویش پڕۆژەی بودجەی خۆی هەیە. دەنگدەرانی هەرلایەکیان 74 دەنگن. واتا دەنگیان وەک یەکە، بۆیە دیسان دەنگی ئامینە دەبێتە پارسەنگ و بودجەی دەوڵەت یەکلایی دەکاتەوە. ئەگەر ئەو دژی بودجە دەنگ بدات، ئەوا دەوڵەتی سۆسیال دیموکرات، ناچارە بە بودجەی لایەنە ڕاستڕەوەکان کار بکات، تا کاتی هەڵبژاردنی ئایندە و ئەمەش کارەساتە.
ئەم بەیانییە ئامینە لە وتوێژی تەلەفزیۆنی، گوتی تا ئێستا بڕیارم نەداوە چۆن دەنگ دەدەم و دەوڵەت دەبێت مەرجەکانم جێ بەجێ بکات: کە یەکەمیان دانەدواوەی مەرج و داخوازیەکانی تورکیایە بۆ چوونە ناو ناتۆ. دووەمیشیان دەبێت لە خاڵێکی بودجەدا، بڕە پارەیەک ئامادە بکرێت بۆ کار کردن لەسەر زەبر و زەنگ لە دژی ژنانی بە بنەچە بیانی، بەناوی شەڕەفەوە.