بەرێزان بە بۆنەی سازکردنی کۆنفرانسێک لە هەمان شارو هۆڵدا لە لۆزان، پیرۆزبایی و دەستخۆشی دەکەین لە ئامادەکارانی کۆنفرانس.
ئامادەسازی ئەم کۆنفرانسە بە ئامادەبونی ژمارەیەکی زۆری کەسایەتی رۆشنبیرو حزب و لایەنە سیاسی و رێکخراوەکان لە ناوەوەو دەرەوە و هەرچوار پارچەی کوردستان، هێما و ئاماژەیە بۆ بوون و یەکهەڵوێستی و یەکگرتوویی گەلی کورد بۆ نیشاندانی ئیرادەی کورد بە ووڵاتانی جیهان کە بەر لە 99 ساڵ پێش ئێستا هەوڵی پارچەکردن و قرکردن و سەندنەوەی ئیرادەی کوردیان کردە ئامانج، بەڵام ئەمرۆ جیاوازتر لەو مێژووە گەلی کورد و ئیرادەی خەلکی کوردستان پێکەوە لە هەوڵی گێرانەوەی مافەکانی گەلی کورددان و پێکەوە بەرەو رووی داگیرکاری دەوەستنەوەو دەلێن “ئێمە هەین و لێرەین” بۆ هێنانەدی ئامانج و مافەکانمان, کە تەنهاو تەنها بە یەکگرتوویی و یەکدەنگی و یەکهەڵوێستی گەلی کورد و سەرجەم حزبە سیاسییەکان دێتە دی.
سەرکەوتوو بن
یەکێتی ژنانی کوردستان
مەکتەبی سکرتاریەت
24/7/2022
سویسرا/شاری لۆزان
