٥ شەممەی داهاتو. پاركی ئازادی سلێمانی فێستیڤاڵی هاوینەی بەرهەمە
ناوخۆییەكان. لە ئامێز دەگرێت.
ڕۆژی ٢٠٢٢/٩/٨ فێستیڤاڵەكە دەستپێدەكات و ماوەی پێنج ڕۆژ هەتا ڕۆژی ١٢ بەردەوام دەبێت و ڕۆژانە لە كاتژمێر ٤ ی پاش نیوەڕۆ هەتا ١٢ ی شەو بەڕێوەدەچێت، و تیایدا چەندین بەرهەمی خۆماڵی و چەند بەرهەمێكی
دەرەكیش نمایشدەكرێن.
ساكار حەمەكەریم، یەكێك لە سەرپەرشتیارانی فێستیڤاڵەكە بۆ تۆڕی میدیایی تەوار وتی
” لە فێستیڤاڵەكەدا چەندین بەرهەمی ناوخۆیی نمایشدەكرێن كە زۆرترینیان بەرهەمی هەنگوینە بەو پێیەی هەنگەوانەكان بەرهەمی ئەمساڵیان بڕیوەو هەنگوینیان ئامادەیە بۆ بە بازاڕكردن واتە دەتوانین بڵێین”
فێستیڤاڵێكە بەتامی هەنگوین
دەربارەی ئامانج لەم فیستیڤاڵە چیە ؟
خاتو ساكار دەڵێت” بۆ دەرفەتی هەلی كار بۆ گەنجان و بۆخۆماڵیكردنی بەرهەمی ناوخۆیی ، چونكە بەرهەمی ناوخۆیی كەمتر كڕیاری هەیە و هەروەها
دروستكردنی پەیوەندی نێوان خاوەن ، بەرهەم وبەكارهێنەر ە، دروستكردنی بازاڕێك بۆ ناساندنی بەرهەمەكان ”
لەبارەی ژمارەی بەشداربووانی فێستیڤاڵەكەوە ساكار ئاماژە بە ئەوە دەكات،کە زیاتر لە 40 بەرهەمهێن بەشدارن لە فێستیڤاڵەكە جگە لەو كەسانەی كە بە مێزی تایبەت بەشدارن و كاری دەستی نمایشدەكەن كە زۆربەیان ژنن و نزیكەی ٦٠ژنن
ئەو بەرهەمانەی لە فێستیڤاڵەكەدا نمایشدەكرێن چین؟
ساكار دەڵێت، بەرهەمە نمایشكراوەكان پێكدێن لە خواردنە كوردەوارییەكان و بەرهەمە ناوخۆییەكان وشكە و بابەتی جوانكاری خانمان، و بۆن، جوانكاری ناو ماڵ ، مۆم، سابوون، پۆشاك، كاری دەستی خانمان و چەندین بەرهەمی دیكە
ئا:تریفە
