ئەمڕۆ ١٦ی ئۆکتۆبەر، ڕۆژی جیھانی بێھۆشکارییە، کەیادی ساڵانەی یەکەم بەکارھێنانی سەرکەوتووی گازی( ئیثەر ) بوو وەک گازێک بۆ بێھۆشکردن.
بۆ یەکەم جار لەلایەن پزیشکی ددانی ئەمریکی “ولیام توماس گرین مۆرتۆن” ەوە ، ساڵی ١٨٤٦دا لە نەخۆشخانەی (ماساتشوتس) بەسەرکەوتویی بەکارھێنرا. کەبەیەکێک لە گرنگترین و کاریگەرترین دۆزینەوەکان دادەنرێت لەمێژووی پزیشکی و مرۆڤایەتیدا، چونکێ وایکرد چیدی مرۆڤ ئازار نەچێژێت لەکاتی نەشتەرگەریدا .
زۆربەمان دووچاری نەخۆشی و ڕووداو بووین و پێویستمان بە نەشتەرگەری بووە، بەڵام زۆربەمان ئەو بێهۆشکارانەمان نەناسیوە کە بونەتە هۆکاری ئەوەی کە بێ ئازار نەشتەرگەریمان بۆ بکرێت و چیدی ئازار نەچێژین !
بێهۆشکاران جەنگاوەرن دژ بە دوژمنە ئەزەلییەکەی مرۆڤ کە ئەویش ئازارە .
