ئا : ترێ محمود
ئازیزان هەڵسوكەوت یان سلوكی مناڵ لە مناڵێكیتر جیاوازە، واتە كۆپی پەیست نیە هەمان شكڵ و هەڵسوكەوت، هەر بۆیە ئەو هەموو بوارە جیا و پیشە جیایە هەیە، كە مرۆڤ لە كاتی گەورەیدا ئارەزووی یەك لەو كار و پیشەیە دەكات، جا قورس بێت یان ئاسان بۆ ئەو كێشەیەك نیە چونكە خۆی هەڵی دەبژێرێ، ڕەنگە ئەوەش پەیوەندی بە عینادی یان كەسێتی ئەو مرۆڤەوە هەبێت.
بۆیە باسەكەمان لەسەر مناڵی عینادە كەواتە مناڵی عیناد تاچەند خاوەنی كەسایەتی خۆیەتی؟ عینادی جۆری زۆرە لە هەمووشی گرانتر ئەوەیە كە هەڵسوكەوت لەگەڵ ئەم جۆرە مناڵانە زیاد لە پێویست دایك و باوك پێوەی ماندوودەبن، چۆن مامەڵەی لەگەڵ بكرێ، چۆن پێداویستی بۆ دابینبكرێ، ئایا هەموو پێداگری مناڵێك دەچێتە بازنەی عینادییەوە، یاخود لەگەڵ گەشەی ئەقڵی مناڵ و قۆناخی گەورەیی حەزدەكات بۆ خۆی وردە وردە تەمسیلی دەور و بەرەكەی بكاتەوە ئەگەر بە باشیش نەتوانێ، بۆ نمونە مناڵ لە دوای تەمەنی دووساڵی دەیەوێ خۆی كەوچكەكە هەڵگرێ و خواردنەكە بخوات لە كاتێكا ڕەنگە هەمووی بكەوێ و نەتوانێ بیخوات، كەواتە ئەمە بەشێكە لە فێربوون، نەك عینادی، بۆیە مناڵەكەت كچ بوو یان كوڕ جیاوازی نیە ئەگەر هات و مناڵێكی گوێڕایەڵ بوو، ئەوا لەو مناڵە كێشەیەك هەیە، چونكە نابێت مناڵ سەد لە سەد گوێڕایەڵبێت، چونكە مناڵی عیناد نیعمەتە، كەوایە خاوەنی كەسێتیە، ئایا تۆ ناتەوێ مناڵەكەت كاسایەتی هەبێت، تۆ ناتەوێ مناڵەكەت ڕاو بۆچونی هەبێت، ناتەوێ متمانەی بە خۆیی هەبێت، ناتەوێ ئامانج و بیركردنەوەی تایبەت بە خۆی هەبێت.
كەواتە عینادی مناڵ بریتیە لە بونیادنانی كەسێتی مناڵ بیردەكاتەوە ئەمشتە باشە ئەمیان نا، ئەمیان ڕاستە ئەمیان نا، ئەمەم حەزلێیە ئەمەیان نا، كەوایە لێگەڕێن با كەسێتی مناڵ هەرلەمناڵییەوە لاواز نەكرێ وبخرێتە ناو حەز و خواستی دایك و باوك، چۆن ویستیان وەك ئەو هەویرەی دەستیان مامەڵەی پێوە بكەن و قەتیسی كەن.
