میهرەبان: هەڵەبجە
لە ماوەی رابردوودا تا ئەمرۆ سێ ناوەندی گەشەپیدانی فەرهەنگی لە هەڵەبجەدا كراونەتەوە و ژنانی نوسەر و شاعیریش بە شێكی بەرچاون لەو كەسانەی كە كتێب و فەرهەنگی ئەدەبییان پێشكەش بەو ناوەندانە كردووە.
پاش نیوەرۆی ئەمرۆ لە كیڵگەی كوردستان كتێبخانەی فەرهەنگی كێڵگەی كوردستان كرایەوە و لە یەكەم هەنگاویاندا كۆكردنەوەی كتیب بوو لەلایەنە پەیوەندیدارەكان و نوسەران و ژمارەیەك لە ژنانی نوسەر و ئەدیب لەو ناوەندە كلتورییە ئەدەبیە ئامادەبوون و بەرهەمەكانی خۆیان پێشكەشی ناوەندەكە كرد بەمەبەستی خزمەتكردنی گەشتیاران و خوێنەران.
خاتوو گوڵزار حمە فەرەج نوسەر و شاعیر توانیویەتی (115)كتێب دابینبكات لەگەڵ هاورێیانیدا و وەك خۆی ووتی” نوسین و خویندنەوە مرۆفی ئازاد دروستدەكات و مەبەستیش لە هێنانی ئەم كتێبانە بە هاوڕێكردنی كردنی كتێب و مرۆڤە”.
لەلایەكیترەوە خاتوو نەسرین تەنیا شاعیر یەكیكیتربوو لەو كەسانەی كە توانی (50) كتێب دابینبكات بۆ كتێبخانەی فەرهەنگی كێڵگەی كوردستان و هیوا خوازە هەركەس هاتە كێڵگەكە خوینەری كتێب بێت. نەسرین تەنیا خۆی بە هاوڕێی كتیب دەزانێت و هیواخوازە لە سەرجەم شوێنەكان لەم جۆرە چالاكیانە هەبێت هەروەها ووتی” لە سنوری پارێزگای هەڵەبجە یەكەمجارە بەشداری ئەم جۆرە چالاكیانە دەكەم، بەڵام لە سنوری سلێمانی بەردەوام كتێب پێشكەش بە شوێنەكان و خوێنەران دەكەم”.
