ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

ژینۆ بەربەستەكان دەشكێنێت و لە پێناو گەشەی هونەرەكەیدا لە هەڵەبجەوە دێتە سلێمانی

میهرەبان: هەڵەبجە
ژینۆ یەكێكە لە كچە شانۆكارەكانی شاری هەڵەبجە ئەو بەجۆرێك عاشقی هونەركەیەتی كە رۆژانە لە هەڵەبجەوە دێتە سلێمانی بۆ كاری نواندن و گەشەسەندنی هونەرەكەی لە رووی ئەكادیمیەوە.
كچە شانۆكار ژینۆ كەیوان علی رەزا كاكەیی 18/7/1992 لە شاری هەڵەبجەی شەهید لە دایكبووە و هەر لەوێش دەژی، ژینۆ لە تەمەنی 8 ساڵییەوە لە ڕێگەی سەنتەری كازیوەی منداڵانەوە دەستیكردووە بە كاری هونەری لە بوارەكانی (شانۆ، شێوەكاری، گۆارنی ) ئەم عەشقەی بۆ هونەر لەگەڵ تەمەنی باڵادەكات و دواتر پەیمانگەی هونەرەجوانەكانی هەڵەبجە بەشی شانۆ تەواو دەكات. لە پاش دەرچونی لە پەیمانگە لە ساڵی ‎2013 گروپی (پانتایی شانۆی واڵا)یان لەگەڵ كۆمەڵێك هاوڕێی شانۆكاری دامەزراند لە وێوە بەرهەمەكانی (ماڵی باوكم، چیرۆكی مردن لە بەهەشت، پرتەقاڵی خوێن، نۆستالۆژیا، زستانی 88 )یان نمایشكرد. پاشان بۆ ئەوەی زیاتر لە بواری هونەر و فكری شارەزابێت ئارەزووی دووبارە خوێندن دەكات و لە پال ئەركی مامۆستایەتی دەبێتەوە بە خوێندكار لە كۆلێجی هونەر لە بەشی فیلمسازی زانكۆی سلێمانی و لە ماوەی خوێندندا وەك ئاكتەر بەشداری چەن فیلمێك دەكات.
خاتوو ژینۆ بۆ سایتی تەوار ئەوە ئاشكرا دەكات كە لە شاری سلێمانی بەشداری شانۆیی دواڕۆژەكانی بابلۆ كردووە و دەڵێت” ‎لە ئێستاشدا سەرقاڵی نوێترین كاری شانۆیم بەناوی (میوانێكی دوور) كە لە دەقی میوانێك لەسەر زەمینی دورەوەی نوسەری گەورەی كورد (بەختیار عەلی) وەرگیراوە و ڕاڤیار نەوزاد كاری دەرهێنانی بۆ دەكات و بەرهەمی میترۆنۆم پرۆدەكشنە”.

هاوشێوە

ڤیدیۆ