ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

كچە كوردیك بەجلی كوردییەوە دەچێتە سەر فەرشی سوری فێستیڤاڵی گۆوا لە هیندستان

رێژنە: تەوار
دیمەن زەندی كچە هونەرمەدنی كوردی شاری سنە وەك ئەكتەر لە فیلمی فارسی میلۆدی بەشداریدەكات و بەجلی كوردییەوە دەچێتە سەر فەرشی سوری فێستیڤاڵی نێودەوڵەتی گۆوا لە هیندستان.
دیمەن زەندی كە تاكە هونەرمەندی كوردە بەشداری لە فێستیڤاڵی گۆوا كردووە رایدەگەیەنێت” كە رۆیشتنی بەسەر فەرشی سووری 54 هەمین خولی فێستیڤاڵی نێودەوڵەتی گۆوا لە هیندستاندا، باشترین كاتی ژیانم بووە، تا وەكوو جلی كوردی نەتەوەكەم بپۆشم و پیشانی بەشداربووانی فێستیڤاڵەكەی بدەم.
كچە هونەرمەند دیمەن زەندی لە ساڵی ١٩٩٠ لە دایكبووە و خەڵكی شاری سنەی رۆژهەڵاتی كوردستانە، بەشداری كۆمەڵێك فیلمی سینەمایی كردووە، كە دیارترینیان فیلمی سینەمایی ”ڕەشەبا” یە كە تێیدا ڕۆڵی كچێكی ئێزدی دەبینێ و بەهۆی نواندنەكانەكەیەوە ناوبانگێكی زۆری پەیدا كردوو لە چەند ڕۆژی ڕابردوودا بە جلی كوردییەوە وەك ئەكتەرێك بەشداریكرد لە گەورە ترین فێستیڤاڵی نێودەوڵەتی سینەمایی لە هیندستان، كە وەك ئەكتەر بەشداریكردووە لە فیلمێكی فارسی بە ناوی”میلۆدی” لە دەرهێنانی( بەهرۆز سەبت ڕەسوڵ ) بەرهەمی ئێران و تاجیكستانە و بە نوێنەرایەتیی تاجیكستان بەشداری فێستیڤاڵەكەی كردووە.
بەشداریكردنی دیمەن زەندی لەم فێستیڤاڵەدا دەرفەتی ئەوەی بۆ ڕەخساندووە كە چەند دەرهێنەری بۆڵیود پێشنیاری كاریان بۆ كردووە بۆ ئەوەی لە فیلمە هیندیەكان ڕۆڵببینێت.

هاوشێوە

ڤیدیۆ