پڕۆژەی بەخێوكردنی پەلەوەری زیرەك پرۆژەیەك بۆ بەهێزكردنی ژنانی هەڵەبجە
میهرەبان: هەڵەبجە
سروشتی پارێزگای هەڵەبجە كە بە ناوچەیەكی باشی كشتوكاڵی ناسراوە و گونجاوترینە بۆ بەخێو كردنی پەلەوەر هەربۆیە ڕێكخراوی كەم ئەندامانی هەڵەبجە بەمەبەستی پاڵپشتیكردنی ژنان لە ڕێگەی ڕاهێنانیان لەسەر تەكنیكەكانی بەخێوكردنی پەلەوەر و بەكارهێنانی ئامێرە زیرەكەكانەوە پڕۆژەیەك رادەگەیەنن.
ڤینا سوڵتان سەرپەرشتیاری پڕۆژەكە لە ڕێكخراوی كەم ئەندامان بۆ ساتیی تەوار ووتی:” بە سود وەرگرتن لە هەلومەرجی باشی شارەكە بۆ كشتوكاڵ ئەم پرۆژەیەمان راگەیاندووە، پڕۆژەكە گرنگی بەو ژنانە دەدات كە پڕۆژەی پەلەوەریان هەیە ، فێریان دەكات چۆن بەرهەمهێنان و بەردەوامیی باشتر بە كارەكەیان بدەن ، لەكاتی تەواوكردنی ڕاهێنانەكان، 15 ژنی خاوەنكار پاڵپشتی دارایی وەردەگرن بۆ گەشەپێدانی كارە كشتوكاڵییەكانیان ، ئەمەش هاوكار دەبێت بۆ بەرزكردنەوەی ئابووری كشتوكاڵی و ڕەخساندنی هەلی كار لە شاری هەڵەبجە.
