رێكخراوی نێودەوڵەتی خۆراك (WFP) رایگەیاند كە نرخی خۆراك لە ساڵێكدا 33٪ گرانبووە و پێویستە پێداچوونەوە بە سیاسەتی خۆراكیدا بكرێتەوە.
ئەمڕۆ 16ـی تشرینی یەكەم كە وەكو رۆژی جیهانی خۆراك دیاریكراوە و ساڵانە لەم یادەدا هەوڵەكان بۆ دابینكردنی ئاسایشی خۆراك چڕ دەكرێنەوە و گفتوگۆ دەكرێت لەبارەی دابینكردنی خۆراك بۆ مرۆڤایەتی.
رێكخراوی نێودەوڵەتی خۆراك لە دواین راپۆرتیدا باسی لەوەكردووە كە لە 60 ساڵی رابردوودا دۆخی بازاڕ و نرخی كاڵا و خۆراك وەكو ئێستا نەبووە، بەجۆرێ لەماوەی ساڵێكدا نرخی خۆراك 33٪ بەرزبووەتەوە.
رێكخراوەكە رایگەیاند: پێویستە لە ئاستی جیهاندا پێداچوونەوە لە سیاسەتی خۆراكدا بكرێت، بە تایبەتی هۆكاری بەرزبوونەوەی نرخیان كە بەشێكی دەگەڕێتەوە بۆ گرانبوونی نرخی وزە و بڵاوبوونەوەی پەتای كۆرۆنا.
