لەخولی جامی پورتوگال و لەیاری نێوان تیپی كچانی یانەی (بەنفیكا) و یانەی (سبۆرتنگ لشبۆنە) دا، ژنە ناوبژیوانی یارییەكە بۆ یەكەمجار لەمێژووی تۆپی پێدا، كارتی سپی بەرزكردەوە.
خاتوو كاترینا كامبۆس ناوبژیوانی ئەو یارییە، كارتی سپی بەرامبەر تیمی پزیشكی هەردوو یانەكە بەرزكردەوە كاتێك بەهاوبەشی فریای یاریزانێكی یەدەگ كەوتن كە لەسەر كورسی یەدەگەكان هەستی بەئازار دەكرد.
وەك ئاشكرایە لەیاری تۆپی پێدا تەنها كارتی زەرد‌و سوور هەیە، بەڵام لەدەستپێشخەرییەكی ناوازەدا بۆ یاری تۆپی پێ، وڵاتی پورتوگال كارتی سپی داهێنا كە پاڵپشت‌و گوزارشتە لە گیانی وەرزشی‌و بەهێزكردنی بەها ئەخلاقییەكانی ئەو یارییەیە.
