لانیا خەلیل ، تەمەنی٢٢ ساڵە، بۆیەكەمینجارە وەك ژنێك دوكانی شیرینی و كلتوری لە قەزای ماوەت داناوە، بەشێوەیەكی كلتوری جوان ڕازاندویەتیەوە، دەربارەی سەرەتا چۆن دەستی بەكاركردن كردووە، لانیا خەلیل بۆ تەوار وتی : “سەرەتای دەستپێكردنم، بەم كارە لەماڵەوە دەستم پێكرد‌و بەشێوەی ئۆنلاین بەرهەمەكانم دەفرۆشت، دواتر بیرم كردوە كە دوكانێك تایبەت بەخۆم. بكەمەوە، لەنزیكەوە ئاشنای كارەكانم بن”.
خاتوو لانیا خەلیل دەڵێت: خێزان و هاوڕێكانم پاڵپشتم بوون، كە پشگیری ئەوان وایكرد زیاتر بەردەوام بم، بەرەوپێش بچم، هاندانێكی باش دەبیت بۆم.
لانیا خەلیل دەربارەی شێوازی دوكانەكەی دەڵێت: دوكانەكەم زۆربەی جۆری شیرینی بۆنەكان و بەرهەمە خۆماڵیەكانی تیادایە، كلتوری كوردی تێكەڵ بە دوكانەكەم كردوە، بەرهەمە خۆماڵی و كوردەوارییەكان نوێبكەمەوە، كەسانی بیانی و زیاتر ئاشنایەتی ڕەسەنایەتی بەرهەمی كوردەواری بكەم.
دەربارەی دەرفەتی كاركردن بۆ ژنان لانیا وتی: تاڕادەیەكی باش دەرفەت بۆ ژنان رەخساوە لەسەر هەوڵدانی خۆیان و بەهەركارو پیشەیەك خۆیان ئەنجامی دەدەن، هەرشوێنێك بێت ژنی زۆر بەهرەمەندو دەست ڕەنگینمان هەیە.
دواجار لانیا وتی: “پەیامی من بۆ هەموو ژنێكی دەست ڕەنگینی وڵاتەكەم، ئەوەیە هەر ئیشێك یان هەربەهرەیەك هەیە بەردەوام بن، هەوڵی بۆ بدەن، لەهەر شارو شارۆچكەیەك بێت گرنگ بەردەوامی و كۆڵ نەدانە لەهەربوارێكدا، هەموو ژنانی وڵاتەكەم زیرەك و بوێرن، هیوای سەركەوتن بۆ هەموو ژنێك دەخوازم ، هیوادارم لە داهاتوودا بتوانم كارگەیەك یان براندێكی تایبەت بەخۆم هەبێت، زۆركەسی تر ئاشنای بوارەكەم بكەم و هەلی كاری زیاتر بڕەخسێنم بۆ ژنان”.
ئا: تریفە حەسەن
