كۆلێت كچێكی توشبووی داونە، پاش ئەوەی توانی زانكۆ تەواو بكات، بە ماندووبونێكی زۆر دەبێتە خاوەنی كۆمپانیایەكی بەرهەمهێنانی بسكیت.
كۆلێت كچێكی تەمەن 31 ساڵە و توشبووی داونە، ئەم كچە لە تەمەنی 26 ساڵیدا توانیویەتی بڕوانامەی زانكۆ لە (Clemson University)پاشان هەوڵیداوە كە كاربكات بەڵام هەمیشە خاوەنكارەكان یەك وەڵامیان بۆ كۆلێت هەبووە ئەویش “ئەم كارە بۆ تۆ گونجاو نیە” بووە.
بەڵام كۆلێت بەهۆی باوەڕ بوون بە تواناكانی بڕیار دەدات دەستبكات بە دروستكردنی پسكیت و لە ماركێتەكان و بازاڕەكان بیفرۆشێت و دواتر كۆمپانیایەكی تایبەت بە ناوی(Colletteys Cookies) دادەمەزرێنێت و لە ماوەی پێنج ساڵی كاركردنیشیدا دەتوانێت بڕی 1.2ملیۆن دۆلار قازانج بكات و لە ئێستاشدا 15 كارمەند لە كارگەكەی كاردەكەن.
ئا/ پروشە
