هەموو مرۆڤێك بەدوای تەمەنی درێژ‌و جەستەی تەندروستدا دەگەرێ، بەڵام زۆرجار بەدەستی خۆمان زیان لە تەندروستی خۆمان دەدەین، لەپێگەی Eat this not that چەند خویەك باسكراوە كە پێویستە مرۆڤ لێی دوربكەوێتەوە:

دانیشتن بۆ ماوەیەكی درێژ: بەپێی توێژینەوەكان دەر كەوتوە كە دانیشتن بۆ ماوەیەكی زۆرو جوڵەی كەم كاریگەری زۆری هەیە لەسەر كورتكردنەوەی تەمەن، تەنانەت بۆ كەسێكیش كە لەپێشدا وەرزشكارێكی بەردەوام بوو بێت.

ئەگەر كارەكەت پێویستی بەوە بو زۆردانیش وەك كۆمپیوتەر‌و هاوشێوەكانی، پێویستە ناوبەناو هەستی پیاسەیەك بكەیت، ئەگەر كەسێك خانەنشین بو لەماڵەوە پێویستە ئەگەر لەناو ماڵەكەش بێت بجوڵێت‌و هاتوچۆ بكات تەنانەت لەكاتی خوێندنەوەو سەیر كردنی تیڤیدا دەبێت چەند جارێك بوەستیت لەخوێندنەوەو سەیركردن و تۆزێ پیاسە بكات.

كەم خەوی: هیچ پارچەیەكی جەستەی مرۆڤ نییە كە بەهۆی كەمخەویەوە زەرەرمەند نەبێ‌، سەرەرای ئەوەی كە كەمخەوی هۆكارێكی بەهێزە بۆ توشبون بەنەخۆشی شەكرەو نەخۆشیەكانی دڵ.

جگەرە كێشان هۆكارێكیترە‌و دەبێت بەپێشخستنی مردن و بەپێی توێژینەوەكان جگەرە كێشان ئەبێتە هۆی كەمكردنەوەی ١٠ساڵ لە تەمەنی مرۆڤ.

نامۆ بون و هەستكردن بە تەنیایی: ئەو هەستە لەمرۆڤدا زۆر كاریگەرە بەڕادەیەك كە ١٥ساڵ لەتەمەنی مرۆڤ كەم دەكاتەوە و دەبێتە هۆی ئەوەی مرۆڤ پەنا بۆ جگەرەكێشان ببات‌و و ئالودە بێت بەمادە هۆشبەرەكان.

ئاڵۆزی و پشێوی مەزاج: هۆكارێكی بەهێزە بۆ توشبون بەنەخۆشی‌و بێهێزی جەستە و دەركەوتنی نیشانەكانی پیربوونی پێش وەختە وخەمۆكی.